1944 жылы, 23-ақпанда ГКО СССР № 5073 бұйрығы бойынша 600 мыңнан астам шешен, ингуш халқын азап ваго…

1944 жылы, 23-ақпанда ГКО СССР № 5073 бұйрығы бойынша 600 мыңнан астам шешен, ингуш халқын азап вагондарына тиеп, Орталық Азияға күштеп көшіру басталды. Ол тарихта “Чечевица операциясы” деген атпен қалды. Күштеп депортацияланған халықтың басым бөлігі Қазақстанға жіберілді. Аязды күні мыңдаған шақырымға жөнелтілген халықтың арасында опат болғандар жетерлік. Тарихшылар 75-100 мыңға жуық шешен және 20-30 мыңға жуық ингуш халқы суықтан, аштықтан, аурудан көз жұмғанын айтады. Нақты сандар белгісіз. Бәлкім бұдан көп, бәлкім аз. Орталық Азияға жеткендерін қазақ, қырғыз, өзбек халықтары өздері қиын жағдайда отырғанына қарамастан құтқарып қалды. Бір үзім нанын бөліп берді. 2004 жылы Еуропалық қауымдастық “Чечевица операциясын” геноцид деп таныды.