**Алматыда белсенді Бесжан Төлеубекұлы ұсталды

**Алматыда белсенді Бесжан Төлеубекұлы ұсталды **Бұл туралы The Qazaq Times ақпарат агенттігінің журналисі Күлтегін Аспанұлы Facebook-тегі парақшасында хабарлады. Журналистің айтуынша, Бесжан Төлеубекұлын Наурызбай аудандық полиция басқармасында ұстап отыр. Полиция ол "бейбіт жиын өткізу тәртібін бұзды" деп ұйғарып, хаттама толтырған. Журналистің хабарлауынша, белсендіге __"11 шілдеде "әуежайды басып алу ісі" бойынша үкім оқылардан бұрын сот ғимаратының алдында Алматы тұрғындарын видеоүндеу арқылы заңсыз митингіге шақырды"__ деген айып тағылған. Бесжан Төлеубекұлының адвокаты Жалғас Сапарханова соттың офлайн режимде өтуін талап еткен. Ақпаратқа қарағанда, "Тәуелсіз бақылаушылар" қоғамдық бірлестігінің төрағасы Бесжан Төлеубекұлын 14 шілдеге қараған түні Алматыдағы үйінен полицияға алып кетті. Бүгін таңғы сағат сегізде белсенді жақынына "мені қамады" деген хабарлама жазған. Содан бері телефоны өшірулі болған. t.me/azattyq