Қазақстан Түркияның OTOKAR компаниясынан 834 дана ARMA 8x8 бронды әскери соғыс техникасын сатып алма…

Қазақстан Түркияның OTOKAR компаниясынан 834 дана ARMA 8x8 бронды әскери соғыс техникасын сатып алмақ деседі. Келісім құны 4.4 млрд доллар, бұл менің білуімше өзге елден әскери қару алудағы осы уақытқа дейінгі жасалған бір реттік келісім ішіндегі ең ауқымдысы. Қазақстан жалпы бір жыл уақыттан астам уақыт бойы "Otokar" компаниясының "TULPAR" және "ARMA" бронды көліктерін сынақтан өткізіп көруде. Жақын аралықта бұл әскери техникалар бізге жеткізіледі дейді кей ақпарат көздері. Өткен жылы президент Түркияға сапарлап барған сәтте Қазақстанда Түркияның соққы жасаушы дрондарын жасайтын зауыты салынатыны айтылған. Кей ақпарат көздері оның жұмысы басталып кетті дегенді айтады, нақты ақпарат табу қиындау. Әскери сала болғандықтан ол да дұрыс шығар. Артынша қорғаныс саласындағы әріптестікті арттыру мақсатында екі ел министрліктері түрлі деңгейдегі басқосулар, келіссөздер жүргізді. Әлі де жүргізіп жатыр, бұл тоқтамайтын процесс қой. Енді мына келісім іске асса, бұл қару сатып алудағы біз үшін рекорд болады. 834 данасы толық келсе керемет, тіпті тең жартысы келген күннің өзінде жаман емес. Украина соғысында көріп отырғанымыздай қарсы шабуылда бронды техника маңызды рөл ойнайды. Мысалы түріктің Kirpi бронды көліктері Украина әскерінде қарсы шабуылда жүр. Жылдам маневр жасауға, шау шебіне жылдам жетіп, позициясына кәсіби жасақты жеткізуде артықшылыққа ие. ARMA 8x8 техникасына 10 сарбаз отырады. Техниканың асты минадан қорғайтын қалың жабындымен жабылған, бұл көлік минаға түскенде сарбаздардың аман қалуына ықпал етеді. Сыртқы броны қалың. Ал техниканың өзі үлкен калибрлі пулеметпен жарақтанған. Әлем құбылмалы, аумалы-төкпелі күйде. Қару сатып алуда диверсификацияны жылдамдатып (мынау соның бастамасы болсын), соңғы қақтығыстарда тиімділігін ұрыс барысында дәлелдей білген түрлі қару түрін ала беру қажет.