Полициядан көмек сұраған әйел көп өтпей қайтыс болды. Іс бір жабылып, қайта ашылды

28 жастағы Қарағанды тұрғыны Динара Мыңбаева былтыр 3 шілдеде қайтыс болған. Келіншек көз жұмарынан бірер сағат бұрын полицияға хабарласып, күйеуі ұрғанын айтып, қиналып көмек сұраған. Полиция Динараның күйеуін ұстағанымен, үш сағаттан кейін босатқан. Бірнеше сағаттан соң Динараның қазасы хабарланды. Өлімнің мән-жайын тергеген полиция істің қылмыс құрамы жоқ деп тапқан. Бірақ биыл сәуірде жабылған іс төрт айдан соң, тамызда қайта ашылды. Туыстары әйел өзіне қол салды дегенге сенбейді.