Қытайда ақын Білісбек Әбдіразақ қамауға алынған. Туыстары хабарсыз отыр

Қытайда тұратын қазақ ақыны Білісбек Әбдіразақ тоғыз айдан бері тергеуге алынғаны хабарланды. Туыстары нақты қандай айып тағылғанын айта алмайды. Ақын-жазушылар оның Қытайдағы саясат қатаңдамай тұрған кездегі шығармалары ілік болды ма деген күдік келтіреді. Білісбек Әбдіразақ Шыңжаңда ғана емес, Қазақстандағы әдеби ортаға да танылған қаламгер. 2000-жылдары Қазақстанға келіп, ҚазҰУ-да білімін жетілдірген, түрлі деңгейдегі мүшәйраларға қатысқан. Бірнеше кітаптың авторы. Биыл бір топ ақын-жазушы оған араша сұрап, президент атына хат жазған.