Бүгін Алматы қаласы, Алатау ауданында орналасқан Абдолла Қарсақбаев атындағы жалпы білім беретін мек…
Бүгін Алматы қаласы, Алатау ауданында орналасқан Абдолла Қарсақбаев атындағы жалпы білім беретін мектепке ұстаздардың шақыруымен бардым. 27-ші ақпан күні әлеуметтік желіде мектеп оқушыларының бір-бірін таптап жатқан видеосы таралған еді, оқиға осы мектепте болыпты, соған байланысты мектеп директорын кеше қызметтен босатыпты. Мектеп ұжымы бұл шешімге қарсы екен, өйткені- ешқандай бала ауыр жарақат алмаған, медициналық көмек сұрамаған, ата-аналар тарапынан арыз-шағым түспеген, керісінше оларда директорды орнында қалдыруды сұрап келіпті, қолында құндақтаулы баласы бар әйелде жүр. Мүғалімдер мектептің 800 оқушыға арналғанын, бірақ 1426 бала оқып жатқанын, соған қарамастан директордың іскерлігінің арқасында мектепте білім деңгейі жоғары екенін жарыса айтты, оқушылар республикалық жарыстарда топ жарып жүр екен. Айтпақшы мектеп зауыт ғимаратының ішінде орналасқан, яғни әуел баста мектепке арналып салынбаған.Білім басқармасы басшылығы мектеп ұжымының ой-пікірлерін қаперге алуы тиіс деп есептеймін. Абзал Достияр.
