Халықты алдаған прокурор жауап берсін!
Халықты алдаған прокурор жауап берсін! Кеше 15 наурыз күні Абзал Достиярдың апелляциялық соты өтті.Сотқа дәлел ретінде осы бейнежазбаны ұсындық. Бірақ “қарға қарғаның көзін шұқымайды” деген рас қой. Сот шешімі өзгеріссіз қалдырылды. Бұл бейнежазба 22 ақпан күні Қонаев қаласының соты алдында түсірілген. Бейнежазбада сөйлеп тұрған формадағы адам Қонаев қаласының бас прокуроры Чорманов Айдос Тұрсынжаұлы деген кісі. Тікелей эфирде байқаған болсаңыздар прокурор халыққа “сабыр сақтап, тыныш тұра беріңіздер!” деп айтып жатыр. Бұл Қонаев қаласының прокурорларының халықты бірінші рет алдауы емес! Думан Мұхамедкәрімді Алматыға ауыстырамыз деп те кезінде жиылған халықты алдап жіберген болатын. Енді міне бас прокурор “тұра беріңіздер” деп алдайды, артынша Қонаев қаласының соты соттайды. Айдос Чорманов өз сөзіне жауап беруі тиіс яғни, “сот алдында болдың” деп қамаған азаматтарды босатуы тиіс! Немесе “тұра беріңіздер” деп халықтың алдында неге жалған сөйледі, сол үшін жауап беруі тиіс. Көлденең келген көк атты емес білдей прокурор болып халықты алдап, үміттендіріп кеткені үшін жауап берсін. Сот алдында тұрған халық осы Айдос Чормановтың сөзіне арқа сүйеп, сол жерде тыныштық сақтап, әндерін айтып тұрды! Демек, Қонаев қаласының бас прокуроры бүкіл жауапкершілікті өз мойнына алуы тиіс! Таратыңыздар! Халық өтірікші прокурорды көрсін. Дана Сәрсенбай