Алматы-ұйғырдың қаласы еді. Қазақтар оған орыстар көшіп кеткен соң келді. Қазақстанда БІР ЖАРЫМ МИЛЛ…
Алматы-ұйғырдың қаласы еді. Қазақтар оған орыстар көшіп кеткен соң келді. Қазақстанда БІР ЖАРЫМ МИЛЛИОН ұйғыр бар. Қазақ билігі ұйғыр топырағына әдейі мақсатты түрде қазақтарды көшіруде. Сол арқылы ұйғыр жерлерін иемденуде. Орыстарға ең қатты қарсы тұрғандар қазақтар мен қырғыздар емес, өзбектер мен ұйғырлар еді. Өзбектер мен ұйғырлардың мемлекет құру дәстүрі болды, қазақтарда бұл болған жоқ. Орыстар өзбектерден қорқып, оларды тар жерге сығып орналастырды. Шымкент пен Түркістанды Қазақстанға, ал Ош пен Жалалабадты Қырғызстанға әдейі бөліп берді. Орыстар тіпті қазақтардың кім екенін де білген жоқ. Олар қазақтарды қырғыздар деп атады да, қырғыздарды қара қырғыздар деп атады. Өзбектер қызыл орыстарға қарсы тұрды. Орыстар оларды басмашылар деді. Кейін олар Шығыс Түркістанға жылжыды. Егер Шымкент пен Түркістанды Сәбет кезінде Өзбекстанға бергенде, бүгін қазақтар оған ештеңе де жасай алмас еді. Шығыс Түркістандағы Қытай сызып берген әкімшілік территориялық бөліктерді біз ешқашан мойындамаймыз. (Мұнда Іле Қазақ Автономиялы облысы, Қызылсу Қырғыз Автономиялы облысы, Баркөл қазақ Автономиялы ауданы, Мори қазақ Автономиялы ауданын меңзеп отыр) Бұл-Шетелдерде жүрген ұйғыр тәуелсіздігі үшін күресіп жүрген барша ұйғырға міндет және борыш. Жоғарыдағы сөздер Ғолам Осман Яғыма деген ұйғыр зиялы саясаткерінің фейсбуктегі сөзі. Бұл өзі Сайрагүл Сауытбайдың рухани әкесі. Себебі, Сайрагүл Сауытбай осы Атұштық ұйғырлар құрған "Шығыс Түркістан Республикасы Босқын Үкіметінің" орынбасар төрағасы. Жалпы мұндай Республика, Мұндай үкіметтен отызшақтысы бар екен. Аталмыш Республиканың діни істер министрі Біләл Ибраһим Түркістани да бір кезде "Балқаш көліне дейінгі жерлер ұйғырлардікі, біз Шығыс Түркістан Ұйғыр Республикасын құрған соң 15000 қанішер жендет ұйғыр әскерін жіберіп, Балқаш көлін жаулап аламыз. Содан Балқаш көлінің қай тарабына қараса да ұйғыр аңқып тұратын қылып жібереміз"-деген еді. Бұл 2020 жылы еді. Оған қарсы мен арнайы сөйледім. Каналдарда тұр. Жалпы, осы туралы менің бүгінгі лекциямда толық айтылды. Лекция екі бөлікке бөлінді. Бірінші бөлігі халықаралық шолу болды да соңыра Қытай тақырыбын талқыладық. Екінші бөлігінде Орта Азияда ертеңгі туындауы мүмкін "Кашмир дауы, Тайланд-Камбоджа дауларына" тоқталдық. Анығында Қырым Түбегі де осындай басы ашылмаңан даудан туған ғой. Егер тарихи сананы осындай малғұндар былғаса, жастарын теріс жолға салса, жалған тарихпен уласа, әрине, арты қан төгіске жалғаспақ. Біздің мақсатымыз-тарихи шындықты айтып, шындықты халыққа жеткізу. Лекциялар: Бірінші бөлім: https://www.youtube.com/live/mTZxLixjPQo?si=-wHhyGfDoyu6vtI- Екінші бөлім: https://www.youtube.com/live/n-hT567tcP0?si=6RjZzP93RNOWL5GP Серікжан Біләшұлы 27 Шілде. 2025.