Халық кеңесінің мүшелері жұмысы үшін жалақы алмайды

Бұл туралы Мұрат Әбенов мәлімдеді. Оның сөзінше, халық кеңесінің мүшелері жұмысы үшін жалақы алмайды. Ақысыз жұмыс істейді. Оның сөзіне сенсек, кеңес мүшелеріне жеке кабинет пен қызметтік көлік те берілмейді. «Айлық үшін келген жоқпын», – дейді Мұрат Әбенов. Еске салсақ, бүгін халық кеңесі ресми түрде жұмысын бастады. Кеңес бұрынғы сенат ғимаратына жайғасты. Бұған дейін қаржы министрлігі Халық кеңесінің жұмысына жылына 1,7 млрд теңге бөлінетінін, мүшелеріне жалақы берілетінін айтқан. Кеңестің 126 мүшесі бар. Олардың бәрін президент тағайындады. Заңға сәйкес, халық кеңесі жылына кемінде бір рет жиналады. Бұл орган Құрылтайға заң жобаларын енгізіп, референдум тағайындау құқығына ие. Видео: kursiv.media.kz