🤡«Әділеттің» былығы: партияға еркінен тыс күштеп кіргізілгендер шыға алмай жатыр

Әлеуметтік желіде жұрт жаңа партияға еркінен тыс (әсіресе мұғалімдерді) мәжбүрлеп тіркеп жатқанын жазды. Олардың бірі партиядан шығармай жатқанын айтып шағымданды. «Партияға өз еркіммен кіруім керек қой негізі. Бізге түсіндірген де жоқ, мал сияқты айдап кіргізді. «Кірсең де кіресің, кірмесең де кіресің» деп. Енді шығайын десем, не шыға алмайсың. Әділет қайда, «Әділет» партиясы?», — деді әйел видеода. Партиядағылар әйелге алдымен шығаруға «доступ жоқ» деген. Кейін арыз жазу керек депті. Осы тұста, әйелдің айтуынша, ол арызы Құрылтайдан кейін бір-ақ қабылдануы мүмкін. Ол бұған үзілді-кесілді қарсы, сайлауға дейін партия құрамынан шыққысы келеді. Еске салсақ, «Әділет» Тоқаевтың саясатын қолдайтын, биыл референдумнан кейін құрылған жаңа партия. Ұйым қысқа ғана уақытта бірден тіркеуден өтіп, артынша елдегі ең ірі Amanat партиясын жоқ қылды. видео: assylzat_isatai