Заңгер бұл бапта 7 жылдан 12 жылға дейін бас бостандығынан айыру қарастырылғанын айтады

Бұл туралы заңгер Дәулетхан Ахмет хабарлады. Оның сөзінше, ақын қылмыстық кодекстің «терроризмді насихаттау» бабы бойынша күдікке ілініп, ұсталған. Заңгер бұл бапта 7 жылдан 12 жылға дейін бас бостандығынан айыру қарастырылғанын айтады. Еске салсақ, Ербол Бықыбай Қазақстан әділетсіздік пен қоғамдағы маңызды мәселелерге үн қатып, халықтың мұңын жеткізіп, билікті ашық сынап жүрген ақын. Әсіресе, оның өлеңдері әлеуметтік желіде кеңінен таралған. Ол Шерзаттың ісі кезінде сотталушыларды «Қарабет» деп сынап, Қанды Қаңтар туралы «Біз террорист емеспіз» өлең шығарған еді.