❗️Сот журналистке 5 жыл бойы материал жариялауына тыйым салды

Бұл туралы құқық қорғаушы Бақытжан Төреғожина хабарлады. Оның мәліметінше, Азамат Омаров сот залынан босатылды. Сот отырысы жабық өткен, алдын ала айтылмады. Астана соты журналисті «кінәлі» деп танып, 3 жыл 6 айға бас бостандығын шектеу жазасын тағайындаған. Одан бөлек, 5 жыл мерзімге қоғамдық-саяси, әлеуметтік және публицистикалық қызметпен айналысуға тыйым салған. Азамат Омаров 18 шілдеде 174-бап «араздық қоздырды» деген күдікпен ұсталып, қамауға алынған еді.  Азамат Омаров — Қазақстандағы саяси жағдайды сынап, сатиралық шолу жасайтын «Ахуал сегодня» YouTube-арнасының негізін қалаушы. Тұтқындалмай тұрып, жариялаған соңғы видеосында журналист Тоқаевты әжуалап, жаңа Конституция мен президент мерзімін жаңартуды, бас мешітке Нұрсұлтан атауын беруді сынаған. Видео авторлық құқықты бұзу туралы шағымнан кейін өшірілген. Еске салсақ, бұл сатира үшін қудалаудың алғашқы жағдайы емес. Бұған дейін дәл осы 174-баппен Qaznews сатиралық парақшасының авторы Темірлан Еңсебек істі болған еді. Сот журналистің 5 жылға бас бостандығын шектеп, қоғамдық-саяси және журналистік қызметпен айналысуына, митиңдерге қатысуға тыйым салды.