2026 ж. 25 қыркүйек
Бұл туралы Ақжол Темірәлиевтің әкесі жергілікті блогер Азамат Сәрсенбайға айтып берген. Осы тұста әкесі ұлына қысым жасала ма деп алаңдайды. Ақжол Темірәлиев — Маңғыстауда аман қалып, ауруханаға жеткізілген сарбаздың бірі. Ол есін жиған соң жақындарына жағаға өзі жүзіп шыққанын, кейін жарты сағат бойы досын іздегенін айтқан. Марқұм досының бас киімін қолына қысып ұстап, жібермеген. Еске салсақ, 24 қыркүйек Маңғыстауда оқу-жаттығу кезінде 17 әскери қызметші суға кетіп, оның 14-і қаза тапты. Бір күн бұрын синоптиктер өңірде қатты дауыл болатынын ескерткен. Әскерилердің өліміне байланысты қылмыстық іс қозғалып, қорғаныс министрлігінің 5 лауазымды қызметкері ұсталды. Әскери-теңіз күштері Бас қолбасшысының бірінші орынбасары, әскери бөлімнің екі командирі, теңіз жаяу әскерлері ротасының және «Қайсар» катерінің командирлері қамауға алынды.