«Депутат болу құқығымнан айырды»

Павлодар облысы Май ауданында қайта сайлауға түспек болған Бағлан Зиябек кандидат ретінде тіркелу кезінде қысым көріп, кедергіге тап болғанын айтады. Ол әлеуметттік желіде ел президенті Тоқаев пен Қазақстан халқына үндеу жасады. «Мені депутат болу құқығымнан айырды. Жаңа Қазақстандағы «әділетті сайлау». КНБ, полиция, өрт сөндіру көлігі барлығы келді. Маған депутат сайлауына депутат ретінде тіркелуге мүмкіндік бермеді», — дейді ол. Бағлан Зиябек 27 қазан мәслихат депутаттығына құжат тапсырмақ болғанда, ҰҚК қызметкерлері жолын бөгеп, бөлімшеге күштеп алып кетпек болған. Дегенмен ол комиссия ғимаратына жеткен. Алайда онда аяқ асты компьютер істемей қалып, кандидат болуға өтініш қағазын бермей қойған. Бұған дейін Бағлан Зиябек 2023 жылы Май аудандық мәслихатының депутаты болған. Ол қызметі кезінде өңірдегі жемқорлық пен әділ сайлау мәселесін ашық көтергенін айтады. Экс-депутат биыл қайта сайлауға түсуге ниет білдірген. Еске салсақ, Тоқаев елдегі мәслихаттың бәрін таратып, мерзімінен бұрын тоқтату туралы жарлыққа қол қойды. Енді 29 қарашада мәслихат депутаттарының кезектен тыс сайлауы өтеді. Видео: baglan_ziyabekov