🤡Астанада полиция стендап комик Ғалым Қалиақбаровтың концертін тоқтатып, сахнадан алып кетті

Бұл туралы журналист Ботагөз Омарова хабарлады. Желідегі ақпаратқа сүйенсек, полиция кеш өтіп жатқан залға кіріп келген. Стендапер әзілдеп, кешті жалғастыруға тырысқанымен, бәрібір тоқтатуға мәжбүр болды. Ол қонақтармен «15 тәуліктен соң қайта кездесерміз» деп қалжыңдап қоштасты. Полиция нақты себебібін ашып түсіндіре алмады. Сахнада «бейәдеп сөздер» болғанын алға тартқан. Есіл ауданының әкімдігі іс-шара жайлы алдын ала хабарланбады деп түсініктеме берді. Ұйымдастырушылар 10 күн бұрын әкімдікке қажет хабарлама жібермегендіктен, шара ресми түрде бекітілмегенін айтады. Әкімдік бұл «азаматтардың қауіпсіздігі» үшін керек дейді. Осыған орай, Есіл аудандық полиция бөлімінде ұйымдастырушылармен профилактикалық әңгіме жүргізіліп, кейін босатылған. Еске салсақ, бұл әзіл үшін алғашқы қудалау емес. Бұған дейін бірнеше стендап артист әкімшілік қамауға алынып, отырып шыққан еді. Сондай-ақ, Құрылтай сайлауына 3 күн қалды. Елде сайлау науқанында тәуелсіз журналистер мен БАҚ, құқыққорғаушыларға қысым күшейген.