Атажұрт ісі бойынша сотталған 19 адамның үшеуі әйел.

Гүлдария Шеризат Қытайда қамалған күйеуіне бостандық сұраған үшін 5 жылға бас бостандығынан айрылды. Кәмелет жасына толмаған баласы болғандықтан, жазасы бір жылға шегерілді. Гүлнәр Шаймұрат та бір жылдан кейін 5 жылға түрмеге жабылады. Сот үкімі шыққан соң белсендінің денсаулығы нашарлап, қан қысымы көтеріліп кетті. Ол есінен танып, құлап қалды. Белсендіні сот ғимаратынан жедел жәрдем көлігі алып кетті. «Атажұрт» заңгері Назигүл Мақсұтхан 4 жыл 8 айға шартты жазаға тартылды. Ол сот басталған кезде жүкті болған. Жуырда ғана босанған.