Қазақстанда ҰҚШҰ (ОДКБ) әскерін тасымалдау жеделдетілмек.

Мәжіліс тиісті құжатты қабылдап, сенатқа жіберді. Енді шұғыл жағдайда ҰҚШҰ әскерін жедел тасымалдауға өтінім беру мерзімі 3 тәуліктен 1 тәулікке (24 сағатқа) дейін қысқарады. Транзит, жол-пұл сынды негізгі шығынды өтініш берген — қабылдаушы ел өзіне алады. Еске салсақ, Ұжымдық қауіпсіздік туралы шарт ұйымына Ресей, Армения, Беларусь, Қырғызстан, Тәжікстан кіреді. ҰҚШҰ 1992 жылы Мәскеудің бастамасымен құрылған. 2022 жылы Қаңтар оқиғасы кезінде Тоқаев осы ұйымнан көмек сұрады. ҰҚШҰ бұған дейін басқа елге әскер жібермеген. 6 қаңтарда ресейлік әскерилер Қазақстанға жетті. Басқа елдердің әскерилері кейін келді. Жалпы Ресей Қазақстанға 2500 әскери, Беларусь – 500, Тәжікстан – 200, Армения – 70, Қырғызстанстан – 150 солдат жіберді. 2022 жылы 6 қаңтарда Алматыдағы Республика алаңында «Біз қарапайым халықпыз. Біз террорист емеспіз» деген плакат жайылып, бейбіт шеру өтті. Куәгерлердің сөзінше, дәл сол күні алаңда (видео) тоқтаусыз оқ атылды. Ресми мәлімет бойынша Қаңтар оқиғасы кезінде 238 адам қаза тапты.