Әлеуметтік желіде «БерАли Маңғыстау Company» жұмысшыларының Тоқаеқа үндеуі тарады.

Мұнайшылар жұмыс орнындағы заңбұзушылықтарды айтып, құқықтарының қорғалуын талап етті. Атап айтқанда, жұмысшылар міндетті зейнетақы жарнасы, әлеуметтік пакеттер мен үстеме жалақының төленбеуі, еңбек қауіпсіздігінің сақталмауы және экологияға зиян келтіру мәселесін көтерді. Бұл туралы компания басшылы мен жергілікті әкімдікке, еңбек инспекциясына шағымданғандарын айтады. «Біз заңды құқықтарымызға лайықты жалақы, әлеуметтік пакеттерді, міндетті зейнетақы жарналарының уақытылы төленуін, қауіпсіз еңбек жағдайын және жұмысшыларға қысымның тоқтатылуын талап еткеніміз үшін кінәліміз бе?», - деді мұнайшылар. Тексеру барысында заң бұзушылықтар анықталғанына қарамастан, тиісті шара қабылданбаған. Керісінше, еңбек жағдайын айтып наразылық білдіргендер қудалауға ұшыраған. 18 жұмысшыны әділетсіз жұмыстан қысқартқан.