Оралхан Әмен «Атажұрт ісі» бойынша сотталған 19 адамның бірі Тұрсынбек Қабидің әйелі.

«Недеген қорлық, недеген сұмдық мынау? Кімге барамыз сонда, арыздарымызды кімге айтамыз, кімнен көмек сұраймыз, артымыздан аңдып қудалап жатыр. Күйемді қамап қойып іздегеніміз қылмыс па сонда?», — деп жанайқағын жеткізді күйеуін қамап тастаған әйел. Оралхан Әбен мен Әсен Нұрсәнұлын Астанаға бара жатқан жолда полиция ұстап алып қалды. Белсенділер саяси қудалауға ұшырап, бірнеше күннен бері полиция торуылдап, аңдып жүргенін айтады. Олар Астанадағы АҚШ елшілігімен кездесуге баруы керек болған. Бірақ «Атажұрт» жақтастары мен белсенділердің жолын бөгеп, жібермей жатыр. Оралхан Әмен — «Атажұрт ісі» бойынша сотталған 19 адамның бірі Тұрсынбек Қабидің әйелі. Ол ең қатаң жазаға, 5 жылға бас бостандығынан айрылды. Бұған дейін Тұрсынбек Қаби 2017 жылы Қытай лагерінде 2 жыл жазықсыз қамалып, зардап шеккен. Енді туған елінде түрмеге кесілді.