Reuters агенттігінің мәліметінше, ресейлік отын нарығындағы дағдарыс болып жатыр

Елдегі ірі мұнай өңдеу зауыттарына дрондардың шабуылынан кейін бензин өндірісі төмендеген. Былтырғы кезеңмен салыстырғанда 25%-ға аз. Жанармай шектеумен сатылып жатыр. Ресей елдегі бензин тапшылығын шешу үшін Қазақстаннан 50 мың тонна АИ-92 бензинін алмақшы. Reuters агенттігінің дереккөзінше, Ресей бензинді керосинге айырбастап бартер ұсынған. Қазақстан Ресейге бензин жіберіп, орнына авиациялық отын алады. Дереккөз шілдеде Қазақстанда отынның осы түріне сұраныс артып, тапшылық туындауы мүмкін деп топшылайды. Қазақстан энергетика министрлігі Мәскеуден әлі ресми сұрау түспегенін мәлімдеді. Маусымда Украина Ресейдің мұнай инфрақұрылымындарына ауқымды соққы жасады. Шабуылдан Ресейдің жалпы мұнай өңдеу қуаттылығының 20%-ға жуығы істен шығып, елде жанармай тапшылығы туған. Мәскеу мұнай өңдеу зауыты жұмысын тек 2027 жылға қарай қалпына келтіру мүмкін. Сарапшылардың сөзінше, Қазақстанда бензин өндірісі аз болғандықтан, Ресейге үлкен көлемде жанармай бере алмайды. 📍Toiken Media ютуб-арнасына жазылыңыз