Нұржан Әлтаев — бұрынғы мәжіліс депутаты, тіркелмеген «Ел тірегі» партиясының жетекшісі.

Бұл туралы адвокат Денис Малюга мәлімдеді. Экс-депутат былтыр Семейден Жезқазғандағы түрмеге ауыстырылған. Содан бері 1 жыл 3 айдан астам уақыт бойы камерада жалғыз өзі қамауда отыр. Адвокат бұл жағдайдың заңға қайшы екенін ескертеді. Оның сөзінше, адамды оқшаулау мерзімі 50 күннен аспауға тиіс. «Бұл ең қатал жаза, ауыр зардаптар мен қайта қалпына келмейтін өзгерістерге әкеп соғуы мүмкін», — деп алаңдады адвокат. Өз кезегінде Нұржан Әлтаев Бас прокурорға, Адам құқықтары жөніндегі уәкілге және Конституциялық Сот төрағасына шағым жолдады. Ол өзін ұзақ уақыт бойы адамдармен араластырмай, жалғыз ұстауын «азаптау» деп бағалады. Нұржан Әлтаев — бұрынғы мәжіліс депутаты, тіркелмеген «Ел тірегі» партиясының жетекшісі. Оппозициялық партия құратынын мәлімдегеннен кейін, «Нұр Отаннан» шығарылып, депутат мандатынан айрылған. Кейін «Аса ірі мөлшерде пара алды» деп айыпталып, 10 жылға сотталды. Экс-депутат «саяси себеппен қудаланды» деп танылған.