Астанада «Алға Қазақстан» белсендісі Эльвира Бекзадинаға қарсы іс бойынша үкім шықты

Сот белсендінің екі жылға бас бостандығынан айырды. Кәмелетке толмаған баласы болуына байланысты үкім бір жылға шегерілді. Еске салсақ, Бекзадинаға қылмыстық кодекстің 380 және 378 бабы бойынша айып таққан еді: полиция қызметкеріне дене жарақатын салды және балағаттады делінген. Белсендінің өзі айыппен келіспейді. Бұған дейін ол сотта оқиғаның толық мән-жайы, полицияның заңсыз әрекеттері ашып көрсетілмегенін айтқан. Тек кәмелетке толмаған балаларын қорғамақ болған белсендінің ана ретінде эмоциялық реакциясын көрсетіп, соның негізінде ғана айып таққан. Еске салсақ, Эльвира Бекзадина — қоғамдық-саяси мәселелерге пікірін ашық айтып жүрген азаматтық белсенді. Ол былтыр 16 желтоқсанда ұсталып, үйқамаққа алынды. Белсенді кіші екі қызымен бірге үйден шығып, 1986 жылғы құрбандарға гүл қоюды жоспарлаған. Бірақ белсендіні қыздарының көзінше ұстап әкеткен және дөрекі мінез-құлық көрсетілген. Бірақ бұл фактіге ашық құқықтық баға берілмеді.  Керісінше белсенліге әлеуметтік желіге шығуға, азаматтық белсенділігің танытуға тыйым салынды.