«Ауылға 85 мың теңге жетеді» деген депутаттың мәлімдесі жайлы Серік Жұманғаринге сұрақ қойылды
Вице-премьер әрі ұлттық экономика министрі бұған «жыны келіп» сауалға жауап бергісі келмеді. Ол «қаладанмын» деп журналисті депутатқа сілтеді. Еске салсақ, 85 мың теңге — елдегі ең төменгі жалақы. Құрылтай депутаты Мейірхат Қасымбаев «ауылдағы күнкөріске 85 мың теңге жетеді» деп мәлімдеді. Оның жауабы қоғамда қызу талқыға түсті. Қазақстанда 2026 жылы ең төменгі күнкөріс деңгейі 50 851 теңге болды. Бірақ мұнда баспана жалдау, отбасын асырау, жүріп-тұру, емделу сияқты шығындар енгізілмеген. Бұған дейін 2025 жылы Жұманғарин елдегі ең төменгі жалақыны қайта қарау қажет екенін айтқан еді. Ол «85 мың теңгеге өмір сүру мүмкін емес» деп мәлімдеген болатын. Ал енді оның бүгінгі сөзіне сүйенсек, елдегі ең төменгі жалақы жуырда көтерілмейді. Вице-премьер бұған бюджетте қаражат көзделмегенін айтады. Есесіне, елде кезектен тыс мәслихат депутаттарын сайлауы өтпек. видео: tizgin.kz