💸«Аспаннан ақша жауған» күннен кейінгі жағдай

Тоқаев қауіпсіздік кеңесінің шұғыл отырысында не айтты? Ол «Самұрық Қазына» мен «ҚТЖ» басшыларының ұсталуын «мемлекеттік компаниялардағы жемқорлыққа қатысты алғашқы ірі іс» деп атады. Бірақ тергеу құпиялығына сілтеп, нақты қанша, қандай қаражат «жымқырылғанын» ашып айтпады. Тек жалпылама 2023-2025 жылдар аралығында елде 3168 жемқорлық фактісі тіркелгенін атап өтті. Оның 68%-н (нақты 2165 ) мемлекеттік қызметшілер жасаған, қалғаны квазимемлекеттік сектор қызметшілері. Ұрланған қаржының жалпы сомасы 248 миллиард теңгеден асады. «Біз ешнәрсені де жасырмаймыз, басын құмға тыққан страустың кейпіне түспейміз.«Өзіміздікі» және «Өзіміздікі емес», тіпті «бөтен» деп бөлуге мүлде жол берілмейді. Өйткені Конституцияда заң мен сот алдында бәрі тең екені анық жазылды. Біз бәріміз де осы заңға бағынуымыз керек», — деді Тоқаев сөзінде. Ол 10 күн ішінде үкіметке сыбайлас жемқорлық құқықбұзушылықтарын азайту жөнінде ұсыныс әзірлеуді тапсырды. Сондай-ақ, 6,5 трлн теңге бөлінетін «Халықтық құрылыс» бағдарламасын арнайы мемлекеттік комиссия қадағалайтынын айтты. Оның құрамы келесі аптада жарияланбақ.