Тоқаев биліктегі тамыр-таныстық пен ағайыншылдыққа қарсымын деп, непотизмге тосқауыл қоятынын айтқан

Ол мұны мемлекеттің дамуын тежейтін басты кесел деп атаған. «Қай елде болса да, тамыр-таныстық кадр іріктеу ісін бұрмалап, сыбайлас жемқорлықтың тамыр жаюына әкеп соқтырады. Мұндай қарым-қатынас шағын ғана топтың шалқып өмір сүруіне жол ашады. Ал, өзгелерді өмірінің ешқандай болашағы жоқ екеніне біржола мойынсұнып, тек өлместің күнін көру үшін арпалысуға мәжбүрлейді», — деді 2022 жылғы жолдауында. Ол өз сөзінде президенттің жақын туыстарына саяси мемлекеттік қызметте және квазимемлекеттік секторда басшылық лауазымдарды иеленуге тыйым салынатынын айтты. Бұл тыйым биыл қабылданған жаңа Конституцияның 45 бабында бекітілген. Дегенмен жуырда Тоқаевтың жиені Дана Медеуова Құрылтайда депутат болды. Ол «Әділет-тің» атынан өткен 110 депуттаттың бірі. Дана Медеуова — кәсіпкер, Тоқаевтың туған қарындасы Қарлыға Ізбастина мен Теміртай Ізбастинаның қызы. Желіде ол туралы мәлімет аз, тіпті суреттері де жоқ. Әзір Медеуова ресми ел алдына шыққан жоқ. Бейресми мәліметтер бойынша, Тоқаевтың жиені Болгарияда «Dami Investment», «Dami International» және «SD Property Investments» атты үш құрылыс компаниясына иелік етеді. Қазақстанда «Сал-сері» арт-галереясын, «Funny school» дамыту орталығын және Түркістан облысындағы «Ермаксу» алтын кенішінде барлау жұмыстарын жүргізген геологиялық кәсіпорынды басқарған.