18 қараша адвокат Мейіржан Досқараев Степногорск түрмесінде отырған Марат Жыланбаевқа кіріп шықты
Белсендіні былтырдан бері адвокаты және отбасымен жолықтырмай қойған еді. Адвокат Жыланбаевтың денсаулығы қалыпты, қазір тәртіптік изоляторда отырғанын айтады. Бұған дейін белсенді ұзақ уақыт бойы қатаң ұстау жағдайында болған. Ол адвокатымен кездестірмей жатқаны үшін наразылық ретінде аштық жариялаған. Мейіржан Досқараев кассациялық сотқа шағым түсіру мүмкін екенін айтады. Ол белсендімен жазасын жеңілдету не мезімінен ерте шығу туралы өтініш беру мәселесін талқылаған. Марат Жыланбаев — тіркелмеген «Алға Қазақстан» партиясының лидері, Гиннестің рекордтар кітабына енген супермарафоншы. Ол 2023 жылы азаматтық белсенділігі үшін «тыйым салынған экстремистік бірлестіктің қызметіне қатысты», «экстремистік әрекетті қаржыландыруға қатысты қылмыстар жасады» деген айып 7 жылға сотталды. Белсендіден былтырдан бері еш хабар болмай, ол толық оқшаулауда болды. Түрме әкімшілі туыстарын да, адвокатын да кіргізбеді. Жақтастары Степногорскіге бірнеше рет барды. Бірақ кіре алмады. Ондағылар біресе карантин, біресе өтініш келмеді деп әртүрлі сылтау шығарып, ешкімді кіргізбеген.