Бұл туралы әлеуметтік желіде заңгер Мейірман Шекеев хабарлады

Оның сөзінше, Украинадағы соғысқа әкетілген 13 Қазақстан азаматы Ресейдегі әскери міндетінен босатылды. «Бұл — жай ғана қайту емес. Бұл — ата-ананың көз жасы,отбасының үміті, баланың, қазақстан азаматтарының елге оралуы. Осы балалардың әрқайсысы бүгін өз жерінде, өз елінде, өз ата-анасының жанында», — деп жазды заңгер Мейірман Шекеев. Еске салсақ, қазан айының басында бір топ қазақ жігіт Ресей соғысқа әкеткелі жатқанын айтып, Тоқаев пен ел билігінен шұғыл көмек сұраған еді. Олар Ресейге күзетші болып жұмыс істеуге барып, алданып қалғандарын айтты. Жігіттерді мәжбүрлеп құжаттарға қол қойдырған. Соғысқа баруға келіспесе, түрмеге қамалатынын айтып қорқытқан. Жақындары желіде резонанс тудырып, ата-аналары Астанаға келіп, балаларын қайтаруға көмек сұраған.