Брифиңде Ақтаудағы трагедия жайлы сұрақ қоюға да шектеу болды

Бүгінгі Құрылтай отырысында өткен аптада Маңғыстауда суға кетіп, көз жұмған 14 сарбаздар өлімі ашық талқыланбады. Тек бір депутат Аббас Өрісбаев әскери оқу-жаттығу кезінде қауіпсіздік талаптарын күшейтуді ұсынған. Бұған дейінгі отырыста депутаттар Тоқаевтың «амандасу мен граффитиге тыйым салуын» қос қолдап, мұны елдегі өткір мәселе деп сөйлеген еді. Отырыстан кейін брифиңде Ақтаудағы трагедия жайлы сұрақ қоюға да шектеу болды. Модератор «күн тәртібінде бұл жоқ, жауап бермесеңіз болады» деп журналисті тыйып отырды (видео) Дегенмен журналист көз жұмған сарбаздар отбасына деп жиналған қордағы ақша мен желіде сын айтқандарға жасалған қысым туралы сұрады. Ішкі істер министрінің орынбасары Санжар Әділов Ақтаудағы трагедия бойынша желіде сын айтқандарға қоңырау шалып, қысым жасалғанын жоққа шығарды. Ол полиция мұндай әрекеттермен айналыспайды дейді. Еске салсақ, сарбаздар қазасынан кейін жұрт қорғаныс министрі Дәурен Қосановты отставкасын талап еткен. Кейін «полиция» өкілдері оларға хабарласып, қорқытып жазбаларын өшіруді талап еткен. Айтпақшы, сарбаздар өлімі жайлы сұрақ қойған журналист осы үшін аккредитациясынан айырылуы мүмкін. Себебі бүгін құрылтайда киберқылмыс туралы конвенцияны ратификациялау талқыланған. Еске салсақ, журналистер тек күн тәртібінде болған тақырып бойынша ғана сұрақ қоя алады. Бұл жаңа парламенттің «жаңа форматы». видео: besmedia.kz