3 жылдан бері қамауда отырған Әйгерім Тілеужанды жақындарымен кездестірмеді

Бұл туралы қоғам белсендісі Абзал Достияр хабарлады. Ол Дәурен Достияр екеуі Алматы облысындағы Жауғашты түрмесінде отырған белсендімен қысқа мерзімді кездесуге барғанын айтады. Бірақ түрме басшылығы нақты себебін түсіндірместен, кездесуге рұқсат бермей қойған. «Әйгерім таңнан бері кездесуге дайындалып отырған екен, кездесуге шығармай қойғандығы Әйгерім де психологиялық соққы болып, өзін жайсыз сезініп жатқандығын жеткізіпті. Бостандықта жүрген бізге түрме басшылығының заңсыз әрекеттері қаншалықты қысым болса, ал қамаудағы Әйгерімге еселеп соққы болып тигені анық. Менің түсінбейтінім біздің Әйгеріммен екі сағатқа кездесуіміз, кімге қауіпті, кімнің тапсырмасымен кездесуге рұқсат бермей қойды, жұмбақ. Не үшін, неге?», - деп жазды Дәурен Достияр. Белсенділердің сөзінше, Әйгерім Тілеужанның өзі өзі айтары барын жеткізіп, кездесуге шақырған. Бірақ түрме әкімшілігі кездесуге тек туған туыстарына ғана рұқсат деген көрінеді. Белсенділер мұның негізсіз екенін айтады. Олар бұған дейін журналистпен бірнеше рет кездескен. Әйгерім Тілеужан — тәуелсіз журналист, азаматтық белсенді. Қаңтар оқиғасынан кейін «Алматы әуежайын басып алды» деп негізсіз айыпталып, 4 жылға сотталды.