Думан Мұхаммедкәрім батарейка мен оттықты қалай жұтқан?

Думан Мұхаммедкәрім батарейка мен оттықты қалай жұтқан? Алматыдағы Адам құқығын қорғау бюросында түрмедегі журналист әрі белсенді Думан Мұхаммедкәрімге қатысты баспасөз конференциясы өтті. Жиынға Думан Мұхаммедкәрімнің әкесі Алмас Тілепов, адвокаты Ғалым Нұрпейісов және қоғам белсендісі Рысбек Сәрсенбайұлы қатысып, түрмедегі журналистің жағдайын айтты. Біз сол жиынды сөзбе сөз беріп отырмыз. Бір айта кетерлігі, бұған дейін Қызылорда облыстық қылмыстық атқару жүйесі департаменті «Думан Мұхаммедкәрім денсаулыққа зиян келетін заттар жұтты» деген ақпаратты терістеген. Думан Мұхаммедкәрім You-Tube арнасына Қаңтар оқиғасына қатысты көптеген видео жүктеп, билікті ашық сынаған. Ол 2023 жылы ұсталып, 2024 жылы жеті жылға сотталды. Журналист «Экстремизмді қаржыландырды» және «Тыйым салынған ұйым ісіне араласты» деп айыпталды. Журналистің сотталуына Мұхтар Әблязовтан алған сұхбаты себеп болған. 00:00 әкесі Алмас Тілеповтің сөзі 02:20 Қоғам белсендісі Рысбек Сәрсенбайұлының сөзі 25:00 Адвокаты Ғалым Нұрпейісовтің сөзі