Ақтөбе ферроқорытпа зауытының жүздеген жұмысшысы жалақыларын көтеруді талап етіп наразылық білдірді

Олардың сөзінше, зауытта өндіріс жоспары жыл сайын артып жатыр, бірақ бұл олардың жалақысына еш әсер етпеген. Жұмысшылар 3 жылдан бері бір жалақыны алып келеді. Металлургтер қазір 300-400 мың теңгеге күн көруге мәжбүр екен айтады. Бірақ бұл елдегі азық-түлік пен қызметтердің қымбаттауына байланысты отбасын асырауға жетпейді. Сондай-ақ, жұмысшылар еңбек демалысына да шағымданды. Олар толық демалуға мүмкіндігі жоқ екенін атап өтті. «Қазхром» бас директоры Ержан Абдулабеков кәсіпорын шығындарының өскенін алға тартып, жалақыны жаңа жылдан кейін көтеруге уәде беріп отыр. Бірақ нақты қанша пайызға көтерілетіні белгісіз. Оның сөзінше, жалақыны көтеру туралы шешім мемлекетке тиесілі 40%-дық үлеске байланысты келісуді қажет етеді. Еңбек дауына қатысты облыстық еңбек инспекциясы алдымен жазбаша арыз жазуын, тек содан кейін ғана мәселені тексеретінін айтады. видео: ardakerubaeva_/IG, ulysmedia.kz