Зеленский Трампқа "көзірін" көрсетті. Трамп үшін Путин басқыншы емес

Украина президенті Владимир Зеленский АҚШ президенті Дональд Трамппен бейнелеп айтқанда карта ойнап қайтты. Қолында қандай көзірі бар екенін де көрсетті. Ақпан айындағы кездесуінде Трамп Зеленскийге «шарт қоятындай сенің қолыңда көзір жоқ» деп баласындай ұрысып тастаған еді. Зеленский сол кезде «карта ойнап жүрген жоқпын, соғысып жатырмын деп азар да безер болған. Бұл жолы Владимир Зеленский Дональд Трампқа соғысып та жатқанын, көзір ұстап, карта ойнап үйренгенін көрсеткендей. Бірақ, құрылыс бизнесінің патшасы, алыпсатарлықтың арыстаны, казино ойынының құдайы атанған Дональд Трамп Зеленский мен Путинді жүзбе-жүз жолықтырғанда қайсысының ығына жығылып кетері әзірге белгісіз болып тұр.