25 мың теңгелік жолдау....
Мінберге қарағанда оң қапталда отырған Қауіпсіздік кеңесінің төраға орынбасары Аида Балаева, Президент әкімшілігі жетекшісі Роман Скляр, премьер-министр Олжас Бектенов, вице-президент Ерлан Қариндер президенттің бұл сөзіне салқын қанды кейіпте қол соқты. Одан кейін камераны үлкен планға ауыстырып, депутаттарға бұрып еді, депутат Жанарбек Әшімжанның оң жақ құлақ шекесін қасып отырғаны көрініп қалды. Режиссер кадрды дереу басқа адамға ауыстырып еді, Орталық сайлау комиссиясының төрағасы Нұрлан Әбдіровтің сол жақ құлақ шекесін қасып отырғаны айқын көрінді. Қатардағы көп депутаттың біріне сөз шығын болмасын, бірақ, президент «әлемде теңдесі жоқ саяси реформа жүргіздік» деп сөйлеп жатқанында орталық сайлау комиссия төрағасының ду қол шапалақтамай, құлақ шекесін қасып отырғаны біртүрлі көрінді өз басыма.