Журналистер сот отырысын монитордан қарауға мәжбүр

Алматыда қоғам белсендісі Санжар Боқаев пен жиені Мадияр Қалменов, видеограф Ұлан Нүсіпқожанға қатысты сот процесі басталды. Тергеу мәліметінше, қылмыстық іс 5 бап бойынша қозғалған: аса ірі көлемдегі алаяқтық, ақшаны заңдастыру, ұрлық, ағаштарды заңсыз кесу және жалған ақпарат тарату. Сот залына журналистер кірізілмеді, олар сот отырысын монитордан қарауға мәжбүр. Журналистердің сөзінше, сот басталғанда, экранда тікелей трансляция бірден қосылмаған. Кешігіп, айыпталушыларды сот залына алып келгенде, дыбыс болмаған. Алғашқы сот отырысы қыркүйекте өтуге тиіс еді. Бірақ сотқа 10 күн қалғанда, адвокаттарына ескертпестен, Санжар Боқаев пен видеографты Астанаға алып кеткен болатын. Қорғаушылар мұны іске кедергі келтіру деп бағалады. Еске салсақ, қоғам белсендісі Санжар Боқаев пен видеографы Ұлан Нүсіпқожан биыл 18 наурызда ұсталып, содан бері 7 ай бойы Алматыда тергеу изоляторында қамауда отырды. Сот 6 айда қамауда ұстау мерзімін бірнеше рет созып ұзартқан. Бас Прокуратура Боқаевты өзгелерге ақша беріп, ағаш кескізіп, жалған ақпарат таратып, видеода жариялады деп айыптады. Қоғам белсендісі желіде утильалымды өткір сынап, Алматыдағы жол жөңдеу мен плиткаларға қатысты заңсыздықты әшкере қылған еді. видео: respublica.kz