Адам құқықтары жөніндегі уәкіл Артур Ластаев қамаудағы белсенді Марат Жыланбаев жайлы пікір білдірді

Омбудсмен белсенді жалғыз камерада «өз өтініші бойынша отырғанын» айтады. Оның сөзінше, Марат Жыланбаев «арықтағысы келеді» екен. Ластаев онымен бірнеше рет кездесіп, соңғы рет биыл қаңтарда барғанын мәлімдеді. Еске салсақ, Жыланбаевтың адвокаттары мен отбасы белсендімен бірнеше айдан бері кездесе алмай келеді. Тіркелмеген «Алға, Қазақстан» партиясының мәліметінше, Марат Жыланбаев аштық жариялаған соң 4 қаңтардан бері байланысқа шықпады. Белсендіден хабар жоқ, ол толық оқшаулауда. Соңғы бір ақпарат бойынша белсендінің денсаулығы күрт нашарлап, ем қажет делінген еді. Бірақ туыстарына да, адвокатына да көрсетпей жатыр. Жақтастары Степногорскіге бірнеше рет барды. Бірақ кіре алмады. Мамырда Жыланбаев қамауда отырған түрме аяқ асты карантинге жабылып, ешкімді кіргізбеген. Соңғы рет былтыр Марат Жыланбаевтың түрмеден фотосы жарияланған болатын. Онда белсендінің азып кеткені анық байқалған еді. Мұның алдында құқық қорғаушылар оның салмағы 45 келіге дейін түсіп кеткенін айтып, шұғыл көмек көрсетуді сұраған. Видео: ulysmedia.kz