Заңсыз 1 млрд теңгенің маргенеці өндірілген

Ұлытауда марганец кенін заңсыз өндіру және өңдеумен айналысқан топ әшкере болды. Қаржы мониториң агенттігінің хабарлауынша, олар пайдаланылған карьерді рекультивациялау (қалпына келтіру) жұмыстарын жүргізіп жатқан кейіп танытқан. Іс жүзінде ауыр техникамен ұсату-жуу жабдықтары қолданылған толыққанды тау-кен байыту кешені іске қосылған. Өндірілген кен теміржол арқылы шекаралас мемлекеттерге экспортқа жөнелтіліп отырған. Тергеу дерегінше, өткізілген өнім көлемі 23 мың тоннадан асып, оның құны 1 млрд теңгеден көп болған. Заңсыз әрекет салдарынан қоршаған ортаға орасан залал келтірілген. Бүлінген жерді қалпына келтіру құны 150 млн теңгеден асады. Қазір тергеу жалғасып жатыр.