Өзбек ауылы сусыз қалды. Онда қытай компаниясы жұмыс істейді

Ондаған жыл бойы жер астынан өздігінен шығып жатқан суды Өзбекстанның Ташкент облысы Бекабад ауданындағы бірнеше махалла тұрғыны енді екі-үш шақырым жерден тасып ішіп жүр. Жергілікті тұрғындар судың жоғалуын қытайлық «Джингу» компаниясының мақта алқаптарындағы терең ұңғымалармен байланыстырады. Олардың айтуынша, компания егістікті суару үшін жерасты суын тарта бастағаннан кейін ауылдардағы артезиан су көздері тартыла бастаған.