26 мая 2026 г.

Полиция Бекзат Мақсұтханның жұбайы Нұргүл Ибраеваны Астанаға баратын пойыздан мәжбүрлеп түсіріп алып қалған. Нақты себебін түсіндірмеген. Бекзат Мақсұтхан сәуірде «Атажұрт» ісі бойынша сотталған 19 адамның бірі. Ол Қытай билігіне наразылық акциясы үшін 5 жылға бас бостандығынан айырылды. Одан бөлек, 11 белсенді 5 жылға қатаң түрме жазасына кесілді. Қалғандары шартты жазаға тартылды. Барлығына саяси және қоғамдық жұмыспен айналысуға тыйым салынды.