Асхат Оралов желіде жағымпаздығымен танымал. Ол Назарбаевты да, Тоқаевты да мақтап, қолпаштаған

🤡Бүгін «Әділет» партиясы төрағасының жаңа орынбасарлары тағайындалды. Олардың арасында экс-министр Асхат Оралов бар. Енді ол партия қызметін бақылап, талдау және бағалау мәселелеріне жетекшілік етеді. Осыдан үш ай бұрын ғана «Amanat» маңдайшалары ат үсті «Әділет» деп ауыстырылып жатқанда, Асхат Ораловтың жаңа қызметі жайлы сыбыс тараған еді. Журналист Назымгүл Күмісбаева экс-министрдан жаңа партияға ауысуы жайлы сұраған. Бірақ Асхат Оралов жауаптан жалтарып, қашып кетті. Асхат Оралов әр жылдары Мәдениет және спорт министрі, президент әкімшілігінің мемлекеттік инспекторы, Маңғыстау облысы әкімінің бірінші орынбасары лауазымында болды. 2022 жылы Nur Otan-ның атқарушы хатшысы болып тағайындалған соң, партия атауы Amanat деп өзгертілген еді. Асхат Оралов желіде ерекше жағымпаздығымен танымал. Ол Назарбаевты да, Тоқаевты да мақтап, қос-қолдап қолпаштаған. 2023 жылы Тоқаев қайтадан президент болғанда, ол көпшілікті бұйыра қол шапалақтауға шақырған еді. Осыдан кейін ол мәдениет және спорт министрі болып тағайындалды. Жаңа қызметіне кірісе сала, желіде Ораловқа қатысты боттардан жазбалар қаптаған. Содан соң жұрт оны «боттар королі» деп атап кеткен еді.