Журналистің мәлімдеуінше, оған қарсы сотқа екі арыз түскен
4vlastinfo ақпараттық порталының бас редакторы Мадина Жатқанбаева ел президенті Қасым-Жомарт Тоқаев пен Бас прокуратура үндеу жасады. Ол Түркістан облысында бюджет қаражатының жұмсалуына қатысты журналистік зерттеу жариялағаннан кейін қысымға ұшыраған. Журналистің мәлімдеуінше, оған қарсы сотқа екі арыз түскен. Шағымға «Аграрлық несие» мен «Түркістан» әлеуметтік-кәсіпкерлік корпорациясы зерттеуі себеп болға. Зерттеуде бюджет қаражатын жымқыру, 5 миллиард теңге ақшаның Түркияға жіберілуі туралы айтылған. Материал жарық көргеннен соң корпарация басшылығы видеоны өшіруді талап етіп, сотқа жүгінген. Шенеуніктер журналистің үстінен Түркістан қалалық полиция бөліміне шағым түсірген. «Олар өз өкілеттіктерін асыра отырып, маған қатысты әкімшілік құқық бұзушылық туралы хаттама толтырды. Оның үстіне олар заңсыз қандай да бір белгісіз сараптама жүргізген. Мен шетелде еңбек демалысында болсам да, менің орныма 2026 жылғы 4 тамыздағы жоғарыда аталған хаттамаға өздері таныстым деп менің қолымның орнына бейне житонмен белгілеген. Мен бұл туралы білмедім және маған қатысты әкімшілік хаттама толтырылғаны туралы уақтылы хабардар етілмеді. Оның үстіне мен адвокатқа жүгіну және сот ісін жүргізу тілін таңдау құқығынан айырған», — дейді Мадина Жатқанбаева.