Олардың әскери қызметін аяқтауына небәрі бірнеше күн қалған

Марқұм сарбаздардың туыстары мәйітті тану үшін Ақтаудағы мәйітханаға жиналды. Қаралы хабарды естіген жақындары жанайқайын жеткізді. Каспийде қаза болған 12 әскери қызметшінің ең үлкені 23 жастағы аға лейтенант болса, қалғаны 19-20 жастағы әскерге шақырылған қатардағы жауынгерлер. 1. Олжас Мұхтарұлы, 23 жаста 2. Жеңіс Темірғалиев, 21 жаста 3. Сержан Аяпберген, 20 жаста 4. Мейрамбек Бердіханов, 20 жаста 5. Әсет Жаңабай, 20 жаста 6. Алмас Көбенов, 20 жаста 7. Олжас Диханбаев, 20 жаста 8. Ақжайық Гилаж, 20 жаста 9. Ақылбек Төлеген, 19 жаста 10. Азамат Мадихан, 19 жаста 11. Дастан Бегей, 19 жаста 12. Өмірбек Өмірзақ, 19 жаста болған. Қорғаныс министрлігінің мәліметінше, Маңғыстауда оқу-жаттығу кезінде 17 әскери қызметші суға кетті(бұған дейін 19 делінген еді). Оның 12-сі қаза тауып, үш әскери қызметші құтқарылды. Бір сарбаз ауруханаға жеткізілген. Дәрігерлердің хабарлауынша, оның жағдайы ауыр. Тағы екі сарбаз іздестіріліп жатыр. 25 қыркүйек Қазақстанда қаралы күн деп жарияланды. Қаза тапқандардың отбасылары мен жақындарының қайғысына ортақпыз.