basqaru teoriasy
Шайпұл
YouTube · · 1 мин оқу

Қытайдан келген қандас Тоқаевқа қайырылып, президенттен көмек сұрады

YouTube-те ашу

Гүлзира Бақытжанқызы «екі балам қазақ болсын» деп тарихи Отанына оралғанын айтады. Алайда Қазақстан азаматтығын алу мен көші-қон құжаттарын рәсімдеуде кедергілерге тап болған. Қандастың сөзінше, оның алғашында сәтті тапсырған, екі жылға жарайды деген Қазтест нәтижесі кейін жарамсыз болып қалған. Кейін екі рет қайта тапсырғанымен, тестілеуден өте алмаған. Сүйтіп жүргенде, виза мерзімі өтіп кетіп, сол арада полиция оған айыппұл салып үлгерген. Енді ол екі баласымен қайда барарын білмейді. Гүлзира Бақытжанқызы президентке қайырылып, одан Қазақстан азаматтығын беруге жәрдемдесуді сұрады. Еске салсақ, Қазақстан азаматтығын немесе тұрақты тұруға рұқсат алу шарттары өзгерген еді. Енді қандастар Қазақстан азаматтығын алу үшін қазақ тілінен ҚАЗТЕСТ тапсыруға міндетті. Осы тұста, қазақ тілін жетік меңгергеніне қарамастан, кирил қарпін меңгермеген қандастар үшін тесттен өту үлкен кедергі туғызуда. Сондай-ақ, тестілеу кезінде техникалық олқылықтар да болған. Салдарынан қандастар Қазақстан азаматтығын ала алмай саңдалып қалған.

Сезіміңізді көрсетіңіз

Ұқсас жазбалар Related posts