14 сарбаздың әруағынан ұят болды...

Он төрт сарбаздың Каспий теңізіндегі әскери оқу жаттығу кезінде суға кетіп, қаза тапқанына бір апта өтті. Мәпелеп өсірген баласынан қапияда айырылған ата-ананы, жақын-туыстарын, бауырларын не деп жұбатарыңды білмейсің мұндайда. Қаралы хабар тарағалы бері Астанадағы шенеуніктердің іс-әрекетіне қарап, «бұл қаза Алланың ісі деп Құдайды» да жазықты еткің келмейді. Қанша жерден «жазмыштан озмыш жоқ» десе де, 14 сарбаздың өлімінде билік пен халықтың бірлігін, турасын айтқанда биліктің халықты түсінбейтіні, түсінгісі де келмейтінін көргенім қынжылтады.