2026 ж. 29 тамыз

Журналист Армангүл Тоқтамұрат әріптестерінің осы сұрағына жауап беруден жалтарды. Су жаңа құрылтай депутаты қоғамда қызу талқыланған бұл мәселеге «жауап бермеймін» деп қашып кетті.  Армангүл Тоқтамұрат — «Әділеттен» құрылтайға өткен журналистердің бірі. Ол «Қазақстан» ұлттық телеарнасының журналисі. 2022 жылы Қаңтар оқиғасы кезінде халықты «лаңкес, террорист» деп айыптап, биліктің сөзін сөйлеген. Биыл жаңа Конституцияны насихаттауға, Тоқаев билігін ашық қолдайтын «Әділет» партиясының жұмысына белсене ат салысты. Журналистік қызметі үшін түрлі грамота, президент қолынан «Құрмет» орденін, 2023 жылы журналистер күнінде пәтер алған. Енді ол депутат болып, журналистерден қашып жүр. Видео: dauren.alash / IG