Белсендіден былтырдан бері еш хабар жоқ, ол толық оқшаулауда

21 қазанда жақтастары мен адвокаты белсендінің жағдайын білу үшін Степногорскіге барды. Бірақ мекеме бастығының міндетін атқарушы сотталушылардың бірінен коронавирус анықталғанын айтып, оларды кіргізбей қойған. Марат Жыланбаев тірі ме, жоқ па, қандай жағдайда екені жайлы жауап бермеген. Мұның алдында адам құқықтары жөніндегі уәкіл Артур Ластаев белсендінің жағдайына қатысты ақпаратты жоққа шығарған. Ол Марат Жыланбаев «арықтағысы келеді, сол үшін жеке камерада отыр» деп мәлімдеді. Марат Жыланбаев — тіркелмеген «Алға Қазақстан» партиясының көшбасшысы, супермарафоншы, Гиннестің рекордтар кітабының рекордшысы. 2023 жылы азаматтық белсенділігі үшін «тыйым салынған экстремистік бірлестіктің қызметіне қатысты», «экстремистік әрекетті қаржыландыруға қатысты қылмыстар жасады» деген айып 7 жылға сотталған. Белсендіден былтырдан бері еш хабар жоқ, ол толық оқшаулауда. Соңғы бір ақпарат бойынша белсендінің денсаулығы күрт нашарлап, ем қажет делінген еді. Бірақ туыстарына да, адвокатына да көрсетпей жатыр. Жақтастары Степногорскіге бірнеше рет барды. Бірақ кіре алмады. Жыланбаев қамауда отырған түрме әр жолы әртүрлі сылтау шығарып, ешкімді кіргізбей келеді.