Алматыда блогер, заңгер Әділетхан Молдаханның ісі бойынша сотқа келген журналистерге кедергі жасалды

Олар сот залына әзер дегенде кірді. Есікті сыртынан жауып алып, дәлізде топырлап он шақты 8 полиция қызметкерлері күзетіп жүрген. Сот қызметкерлері әдейі қамамағанын, есіктің тұтқасы бұзылып қалғанын айтып ақталды. Бірақ журналист Руслан Өтепбайдың сөзінше, бұл жағдай екі күн қатарынан қайталанып отыр. Бүгін сотта прокурор істі қайта қарап, бапты қатаңдатуды сұрады. Енді Әділетхан Молдахан 5 жылға сотталуы мүмкін. Ол «көрінеу жалған ақпарат таратып, ірі залал келтірді» деп айыпталды. Бұған дейінгі квалификация бойынша 3 жыл тағайындауы мүмкін еді. Енді келесі сот отырысы 9 шілдеде өтеді. Әділетхан Молдахан Алматыда үш адамның өмірін қиған жол апатының анық-қанығын айтып, желіде видео жариялаған еді. Заңгер Әл-Фарабидегі апатқа шенеуніктің балалары мен лауазымды полицейлердің қатысы барын айтқан. Кейін заңгер қамауға алынып, үстінен қылмыстық іс қозғалды. видео: perizat.zharylkassyn / Instagram