Күйеуін өлтірді деп сотталған Баян. Түрмеден кейінгі өмір

39 жастағы Баян Кенганова жақында Алматы облысындағы Жауғашты әйелдер түрмесінен шартты түрде босап шықты. Ол күйеуінің қазасына кінәлі танылып, 8 жыл бас бостандығынан айырылған. Мерзімінің үштен екісі аяқталған соң сот Баянның жазасын шарттыға алмастырды. Баян — бес баланың анасы. Ол тергеудің әділ жүрмегенін айтады. Ал ендігі өмірін балаларын өсіріп, жеткізуге арнағысы келеді.