Жаңаөзендегі жұмыссыздық мәселесін көтергені үшін сотталған Ержан Елшібаев бостандыққа шықты

Бұл туралы жергілікті азаматтық белсенді Шолпан Өтекеева Facebook-те хабарлады. «Құтты болсын барша Қазақ жұртына. Кезінде халықтың әлеуметтік мәселелерін көтерген белсенді. 2019 жыл қудалауға ұшырап жазықсыз соттап жыл кесіп жіберді. Бостандыққа шығуыңмен Ержантай батыр», — деп жазды ол. Ержан Елшібаев азаматтық белсенділігі үшін түрмеге қамалып, қудалау көрген «саяси тұтқын». Ол Жаңаөзендегі халықтың тұрмыстық жағдайын көрсетіп, жұмыссыздық мәселесін көтерді. Бейбіт жиындар шығып, Назарбаев пен елдегі жемқорлықты сынға алды. Белсенділігі үшін 2019 жылы «біреумен төбелесті» деп 5 жылға қамалды. Бостандыққа шығуына 1 жылға жуық уақыт қалғанда, «түрме талаптарына бағынбады» деп желеумен қайта 7 жылға сотталды.