«Атажұрт» белсендісі Гүлнәр Шаймұрат 5 жылға бас бостандығынан айрылды.

⚡️«Атажұрт» белсендісі Гүлнәр Шаймұрат үкім шыққан соң жағдайы нашарлап, қан қысымы көтеріліп кетті. Ол есінен танып, құлап қалды. Белсендіні сот ғимаратынан жедел жәрдем көлігі алып кетті. Гүлнәр Шаймұрат 5 жылға бас бостандығынан айрылды. Кәмелет жасына толмаған баласы болғандықтан, жазасы кейінге шегерілген. Одан бөлек, белсендіге қоғамдық іспен айналысуға, митингілерге қатысуға тыйым салынды. Еске салсақ, Талдықорғанда Қытай экспансиясына қарсы наразылыққа шыққан 19 адамға қатысты үкім шықты. Сот «Атажұрт» белсенділерін Қытай туы мен төрағасы Си Цзиньпиннің суретін өртегені үшін кінәлі деп танып, 5 жылға түрме жазасына кесті. Сотталушыларды сот үкім оқыған залға кіргізбеді. Олар бөлек бөлмеде, торда отырды. Қалған қоғам өкілдері бір залға отырғызды. Журналистерді бір залға отырғызып, сапасы нашар экранды ұсынды.