Ақтастағы жабық ауруханада не болып жатыр? Науқастар ондаған видео жолдады

Азаттық редакциясына Алматы облысы Ақтас ауылында орналасқан республикалық психиатриялық ауруханадан түсірілген ондаған видео келіп түсті. Бұл видеоларды науқастың бірі 2025-2026 жылдары жасырын түсірген. Онда емделушілер өзін төсекке байлау, мәжбүрлі еңбекке тарту, күшті дәрілерді еркінен тыс егу мен жұмбақ өлімдер туралы айтады. Аурухана науқастарды ауыр дәрі салып жазалау, мәжбүрлі еңбекке тарту туралы айыптауларды жоққа шығарды, ал физикалық шектеу медициналық себеп болғанда ғана қолданылатынын айтты. Денсаулық сақтау министрлігі де тексеру жүргізіп, «деректер шындыққа жанаспайды» деп мәлімдеді.